南乳腩排豆卜煲

天氣轉冬了，食番啲煲仔餸暖吓胃，成個人都暖笠笠！啲豆卜吸唒啲南乳汁，好入味呀！
當然燜其他肉類都得啦，好似豬手豬腳，雞都可以好好味架。

材料：
腩排 40蚊
豆卜10粒（再切半）
南乳 一尊
片糖 1/4片
蒜頭，薑片，䓤  適量

腩排醃料：生抽，砂糖，胡椒粉，麻油。

做法：
1．燒熱油爆香蒜頭，薑及䓤。
2．把醃好的腩排放入鍋內略為爆香。
3．南乳加水拌勻，入鍋後再加水至剛剛蓋過腩排。
4．汁料滾起後轉細火燜二十分鐘，熄火。讓腩排在鍋內焗大約一小時。
5．以這“細火燜，熄火焗”的方式重複二至三次。燜出來的肉類就會很淋的了。
6．最後十五分鐘加入豆卜和片糖即成。

煎藕餅

唔知你地鍾唔鍾意食蓮藕呢？阿嘈夫人都幾鍾意架，仲係要爽嗰種。蓮藕煲湯都好好飲架，今次就整煎藕餅，香口餸，趁熱食呀！

材料：
蓮藕（切粒） 半條
豬肉（絞碎）10蚊
綾魚肉             半斤
生粉                 適量
鹽，胡椒粉     少許

做法：
1．蓮藕洗好切粒備用。豬肉可用少許生抽，砂糖略醃。
2．綾魚肉和胡椒粉拌勻。
3．把綾魚肉，蓮藕和豬絞肉一起拌勻。
4．分成大約十份，做成圓形餅狀。
5．燒熱大約三湯匙油，藕餅略撲生粉，以半煎炸的方法煎熟即成，記住中途轉中小火，以便豬肉熟透。

鹹菜鯇魚煲

阿嘈夫人一家都好鍾意食魚架，無論清蒸，香煎或焗，都好受歡迎。今次呢個水煮魚煲當然都very good啦。我最鍾意係煎香條魚，再整個魚湯出黎，奶白色的魚湯夠唒魚香。

材料：
鯇魚（斬件）大半條
鹹菜（切粒）半個
辣椒仔 2﹣3條
薑 4﹣5片
水 2 1/2碗

做法：
1．鯇魚清洗後，抺乾水份備用。
2．燒熱油，爆香薑片，煎香魚件。
3．魚煎至半熟就可以注入水，把魚和水一齊滾起。
4．放入鹹菜，辣椒仔。蓋上煲蓋，滾大約5﹣10分鐘。
5．按個人口味再落鹽調教味道。

杞子蔴油雞

呢個杞子蔴油雞除了有香濃的蔴油味外，還有濃濃的酒味。做法既簡單，又係出得廰堂的一度餸。其實個汁（又可以叫做湯）好香的，用黎送吓飯或粉麵，唔好嘥。怕酒味太濃的話，可以按個人口味有所調教。

材料：
雞（斬件） 1隻
薑   5﹣6大片
黑蔴油  ～30ml
紹興酒 ～120ml
杞子 適量

雞醃料：鹽，糖，胡椒粉，生抽。醃大約至少半小時。

做法：
1．燒熱黑蔴油，爆香薑片，下雞件。
2．聞到好香的蔴油味及雞味後，倒入紹興酒及杞子。
3．拌匀材料就可以上蓋燜煮約十分鐘即成。

薑䓤辣蟹

之前食過幾次大閘蟹後，又想食吓其他蟹，於是買咗兩隻大膏蟹，辣辣地，滋味無窮！

材料：
膏蟹  兩隻
薑      4﹣5片
䓤      2棵 （切段）
生粉  ～2湯匙
紹興酒  1湯匙
辣椒  隨意

調味料：
蠔油  1湯匙
胡椒粉  少許
鹽  1/2茶匙
糖  1茶匙
水  半碗

做法：
1．膏蟹洗淨斬件備用。
2．抺乾水份後，蟹身樸上生粉，泡油時啲蟹膏就會實啲，唔會咁易跌出來。
3．燒熱油，先把樸了粉的蟹身泡一泡油，待蟹膏變得結實後，就再放入蟹鉗泡油。
4．有些許轉色後就拿上碟。
5．用同一鑊油，爆香薑䓤，辣椒，再放入泡了油的蟹慢慢兜炒，灒少許酒。
6．最後放入蟹蓋，調味料。蓋上鑊蓋，焗～5﹣6分鐘即成，焗的時間要視乎蟹的大小。